| Համալսարանի մասին | Ռեկտոր | Ընդունելություն |  |
 |
 
Երևանի “Հրաչյա Աճառյան” համալսարանը Հայաստանի Հանրապետության առաջին պետական հավատարմագիր ստացած համալսարանն է, որը հիմնադրվել է 1991 թվականի փետրվարի 22-ին: Պետական կարգավիճակ ունեցող համալսարանը ներկայումս ունի 14 ֆակուլտետ: Համալսարանի ուսանողներն օգտվում են պետական բուհերի համար օրենքով սահմանված իրավունքներից եւ արտոնություններից: 2004-2005 ուսումնական տարվանից բուհն ընդգրկված է մասնագետների պատրաստման եռաստիճան համակարգում և կադրեր է պատրաստում բակալավրի ու մագիստրոսի որակավորմամբ: 
2003 թվականի օգոստոսի 23-ից համալսարանում բացվել է ասպիրանտուրա: Կնքված միջազգային պայմանագրերի հիման վրա գերազանցիկ ուսանողներն ու նպատակային ասպիրանտները կարող են կատարելագործել իրենց լեզվական և մասնագիտական գիտելիքները արտասահմանի բազմաթիվ առաջատար բուհերում:2005-2006 տարվանից մեր համալսարանին իրավունք է տրվել օտար լեզուների, պատմության, տնտեսագիտական մասնագիտությունների գծով հանդես գալ որպես առաջատար կազմակերպություն` թեկնածուական ատենախոսության պաշտպանության համար: 1997 թվականի սեպտեմբերից Երևանի “Հրաչյա Աճառյան” համալսարանը լույս է ընծայում “Առաքյալ” պաշտոնաթերթը, որը բարի համբավ է վայելում բուհական մամուլի ընտանիքում: 
Համալսարանի բոլոր ուսանողներն անցնում են համակարգչային ուսուցում և ստանում ավարտական դիպլոմ: Համալսարանում դասավանդում են 8 ակադեմիկոսներ, 47 դոկտոր-պրոֆեսորներ, 106 գիտթեկնածու-դոցենտներ: Համալսարանում գործում են նաև Հայկական Հարցի ու Հայոց Ցեղասպանության, Նարեկացիագիտության, Իսահակյանագիտության, Տագորի անվան հնդկագիտության, Եվրոպագիտության, իրանագիտության, ինչպես նաեւ Ալեքսանդր Գրիբոեդովի անվան, Սերվանտեսի անվան իսպանական և հունական մշակույթի ու լեզվի գիտական կենտրոններ: Համալսարանի նորակառույց սեփական շենքերում ուսանողների համար ստեղծված են հարմարավետ պայմաններ, իսկ լսարանները հագեցած են ժամանակակից անհրաժեշտ սարքավորումներով:   
Համալսարանի հասցեն` ք. Երևան, Մոսկովյան 3: Հեռախոսներ` (+37410) 561777, 525322, 526711 Ֆաքս: (+37410) 56 15 51 Էլ.-հասցե: hau@info.am |
